صوتك أحلى من أغاني الستينات

صوتك أحلى من أغاني الستينات
يورد على الودن اللي سمعت
من حليم للست للخواجات
ترتوي ودني بحنانك
أفصلي حزن الخيوط
خلي قلبي يرسمك
يروي بحناني الفضا اللي اتنشأ جواكي مني
أرحلي لو تقدري جوبي على نص السكوت
خلي الكلام يعمر.. جوا قلبي اللي خلي من يوم ميلادي
كنت فاكر ان انا هفضل لوحدي في الممر
ناس تتولد، وناس بتيجي،..و ناس تمر
أمد إيدي في الخلا ..
بس الأدين متمسرمرة ....
والرعب مُرّ ...

دلوقتي بس الحكمة كبرت شجًَّرت
العدل مش هو المزان والكفتين
والحب مش قلبين
والحزن مش دمعة .... ولا صرخة زهق
كل المعاني ملخبطة ... حتى الكلام حتى القلام
حتى الورق ....
وبسألك
لكني بسأل حلمك الدفيان جوا العيون المدبوحين
لو تعرفي تجاوبي بشفايفي ...
أو تعرفي تبكي بعيوني
لو تعرفي تشكي بظنوني
لو تقدري ترضي ... بهدوئي .....

أو فصلي دمعي الغويط حدوتة الأمل الكبير
والعزم والغنيوة والطبلة والمزماير
من حلمك الدفيان جوا العيون المدبوحين...

من عزم صوتك
ابتديت أحس بيه من قبل حتى ما أسمعه
بحس بيه ضحكاية .... اضحك ...
واحس فيه دمعاية .. افضل ادمعه...
جوايا يصرخ أفضل اصرخ ... مش همنعه

لأنه أحلى من أغاني الستينات
يورد على الودن اللي سمعت
من حليم للست للخواجات
ويطهر القلب الجريح..
عشان يصحي حد مات ...